A 'N PUETA

I du filosufi

A dì, che 'sté mund 1'è piè de artisti de strapass...
Adèss ghè anca i pueti del dialètt.Li capéli de funs
cu li burdi li crèss!EI bon sens el 'na piè el petàss
de sentì certi menadi, che spüssa de luns!

'N del vèdd 'n'aŝen al tàul cu la penna in màn
dàanti a'n föi de carta, en càa encuriusit
el fà - Ma varda che aŝen cumpìt e stran...
Anca i'aŝen i gà verguta de dì:chi l'arèss credit?

Alura “el filosufo nat” el rispund. - Bhè! per scarabucià
'na lirica o 'n sunètt ghe se völ mia 'n gran ché!
Po, me scrìi en dialett. So mia endat a stüdià.
De puesii i'na fà tütti, perchè goi mia de pruà me?

EI to mester lè de tirà el carèt, renghignà, purta el bast.
EI mée, de falla en sö i mür, bajàa e gremulàa i'oss.
Stumm ogni'ön al nost post... e tucùm mia certi tast.
Pueti, car el me sumar, se nas! Ghèt capit, baloss!-

Alura me sarò semper 'n'aŝen, semp chèll'ignurant!
La celebritàa l'è cume 'na duna... ghe se schissa l'oc-c.
Te vedarèt che anca i vers dei càa e de 'aŝen pian pian
i và alli stelli. I'altri besti, li te 'scultarà en Senöc-c.

-Basta el renghignàa de 'n'aŝen de 'n'alter culur
che, i sumar nustran i l'ha ciama duttur! -

I pueti, i pittur i müsicisti, tütti i'artist en general
i'è mìa pö chèi de 'na volta. I'è dispost a scarabucià
vergut de nöf, vestit de paiàss... vardèi sö 'l giurnal!
barbüt caelon, ma cu'n'aria stüdiada de celebritàa!

Ma, en fund en fund, i'è dei sumar bon de renghignàa.
Dame a ment a me, che so en filosufo nat. E té cuntrit
te fèt cume chèi, che dopu la renghignada i se spela li màa!

“L'aŝen el ga reŝon - dent de lü, el càa el gà pensat...-
Che tanti volti, tanta gloria e tanta celebritàa,
la pöl vègn de 'na tela o, en föi de carta scarabuciat”.