A 'N PUETA

El càa de caccia

Certa ŝent l'è cume chèi càa che nàss vagabund
sènsa en perchè, i lassa la so cà e i và per el mund.

En càa sènsa num a naŝelènt en sö i cantòn
l'è riat a'n cancelètt de na villa padrunal
e cume al solit, el mètt dent el nas de curiusòn
ma, Fido lìè là per dighe “ara che la se met mal”.

Tirat cume n'archètt, bèle prunt a saltaghe a-doss
ma po',dopu 'n uciada a chèll singhen 'gnuma péll e oss

el se tira endrée e 'l se sbatt sü adrè al mürètt
-Cum'ela che te sèt cusé magher? -  -- No, so snell
Bhè el so gnàa mè cuma l'è!  E tè?, cun chèll gulètt
de cadena 'n sö'l coll, te sgagnèl mia la pell?

En regall che t'ha fatt el tò padròn, cuntènt
de chèll che te fèt per la so cà e la so ŝent?

Te sèt bell lüster, la ciotula amò pièna de ier
l'acqua fresca, la cuccia...tütt en rima cu l'ambient.
Anca te cume 'l tò padròn, si tranquiì sensa penser
...ma anca i singhén, i vagabund i sa 'iss cuntent.--

-L'unèst e l'urdinat - dis Fido - L'è taccat al so mester
e , per vantàa i diritt, büsügna fa i duer !

E quand en lauràa, l'è cume 'l mée e de impègn
che 'l permètt, de guadagnase la stma e 'l pàa,
sücèt cuma ai òm, che la fadiga la lassa 'l sègn
e ghè nissön unur pussèe grand, dei càì 'n sö li màa.-

-Adèss, vo cuntra-curènt: La Libertà l'è 'l mé mutif...
l'è stat “Pannella, ch'èl dei Radicai” a dime de fa mia 'l catif.

S'eri l'orgoglio e 'l vant de la brigada de caccia!
Po' i me mètia 'n del sérài cul menul al coll...
go vurìt la me redensiòn e, go vultat la faccia
al padròn. Adèss so 'n vagabund sensa cuntroll.

So amìs de tütti i pütéi e i cumpagni a scòla:
po', naŝéli 'n sö i cantòn dei bechèr...fo la spòla!

El me “anfitrion” l'è el Maester, Tano Maestròn...
quant 'l me vèdd, forse perchè l'è 'n cacpadur,
o per simpatia, lü o 'n qual v'ön dei sò garŝon,
el me dà 'n tocc de carne: e cus'è 'l me fa unur.