A 'N PUETA

El  masulèn de violi
(un omaggio al trenino “Gamba de Lègn)

Tütti i ga fressa de riàa, tütti i se rüŝa, i curr
ogni strada lé 'n port de mar, na staŝiòn,
chi và chi ve... e San Sir en sö la turr
el varda tutt e 'ste cambiàa... ma cun 'na passiòn!

O car el me prugress, te sarét bell e te do reŝòn!
Ma te sét 'n trida sass, che ga mia cumpassiòn.

'Na roba fatta 'n cöö... duman l'é belle veccia!
La ŝent che urmai ga na certa etàa o ŝo de lè
la ghe capiss pö nient e, la stà cu 'n urecia
ai temp endree... per fasse mia schissàa de tè.

quand li carosi li 'ndarà sensa caaj
...e li duni, li purtarà la cresta cume i gàj...

Suresina, me so 'l pueta dei to dè püssé bei:
'na vus la me rusega e la me ciama cun impégn
per di che te sét 'n paes de legenda e de pütèi
e, go de scrif 'n penser de regalàa, al Gamba de lègn.

...quand li duni li purtarà la cresta cume i gàj
diŝìa i noster vecc ..EI mund el sarà pièn de guaj!

Anca i fiulétt i curria adrèe al trenén.
en po per giugàa en po perché i sia mia se fàa...
i parìa a casa so! En de'n mund de picenén
urmai finit per semp, cu li robi de müscüràa.

EI capo-staŝiòn cu'l berétt russ e la trumbetta in màa
el ghe bràa a drèe a chella mèzza tribü de.., indiàa!

che i scapàa a guarnase 'ndei maciòn de raŝi...
I Passegèr diertit i stàa al finestrèn a vardàa!
EI parìa en cinema del west... cun che li vus de sgaŝi
spaentadi, querciadi del vapur che sbüffàa.

I passegér del lünèdé i vegnia de Edul, Isè e Suncìn
cu li càagni pieni de pulèn, nadrèn e uchìn...

Li duni cu li sibri de vernis, la sporta al bràss
J-om cu'l felter cu la gnocca en sö la frunt
en tabarén legér a pindulòn cume 'n stràss
i fümàa 'n sö 'l “belvedere” che i gudia 'n mund.

Fra L'om e la so duna, per dignitàa, se üsàa 'l vò,
e cusè fàa i fiöi per chell rispétt che adess... el ghè pö!

-Na dumenica de primaéra, padròn de'n scüd dàargent,
go fatt l'öf föra del caàgn: go ciapat el 'Gamba de lègn
per endàa al lac, vurii giràa el mund, védd 'n po de ŝént
e, vedime 'nde me stess e -iss püssé dègn.

En fund a la carosa, ghera 'na bella fiulètta
cu i laber russ e li treŝŝini negri... sula, suletta...

Me picàa el cör al pensàr cume... tacàa butòn,
i giuinott el 'Gamba de lègnn i la ciapàa...sut gamba
... vurii che la ghess de vardame cu i bei ucciòn.
A la fermada del disco, me vegnit -n'idea stramba

So saltat a terra, e n'de l'erba adrè al fussetén
go truat tanti violi per le, de fàa 'n massetén.